Roliños de bonito de Burela

Semellantes ás albóndigas.

ingredientes

• 300 gr de bonito de Burela limpo e fresco
• 1 cebola grande
• 2 dentes de allo
• 1 ovo
• miga de pan mollada en leite
• touciño (panceta) afumado
• xamón
• pan raiado
• fariña
• aceite de oliva virxe extra
• salsa de tomate feita na casa

preparación

Caramelizamos nunha tixola os dous dentes de allo e máis a cebola.

Mentras, picamos ben miudiño —co coitelo, non a máquina— o bonito para un cunco.

Incorporamos ao cunco a cebola caramelizada, o xamón e o touciño picados tamén moi pequeniños, a miga de pan mollada en leite e o ovo batido. Misturamos todo ben e ímoslle engadindo pan raiado para acadar a textura axeitada, para que colla o punto de espesura.

Facemos rolos, cilíndros, un pouco alongados e non demasiado grandes (6 ou 8 cm). Pasámolos por fariña e dourámolos na tixola con aceite (que non floten).

Nunha pota ampla temos a salsa de tomate, engadímoslle o rolos e deixámolos facerse a lume moi lento durante uns 15 minutos.

Acompañar con arroz en branco ou patacas cocidas.