Fungallas

Por Cociñeira1, Ven 23 Outubro 2015, na categoría Cultivaecome

broa, cociña, fungallas, receita, touciño

Fungallas - Receita tradicional

Esta receita é un exemplo de pragmatismo e optimización dos (escasos) recursos cos que de cotío se atopaban en moitas casas galegas.

Tiñas broa probablemente dura de varios días, e con sorte unha tira de touciño. E nada máis!

O resultado era unha comida potente, de alto valor enerxético e saciante.

  1. Cortamos o touciño ou panceta en anaquiños pequenos e ímolos facendo nunha tixola a lume vivo para que solten a graxa que precisaremos despóis.

  1. Collemos un anaco de broa e quitámoslle a berza da base, se a ten, ou o papel

  1. Esperamos a que o touciño colla cor e solte a graxa

  1. Esfariñamos a broa enrriba do touciño, sen baixar o lume.

  1. Remexemos enérxicamente para ir mesturando e que non se pegue a tixola

  1. Se vemos que a mistura é moi seca engadímoslle un pouco de aceita de oliva virxe extra

  1. Non debe quedar enchoupado, pero tampouco seco.

  1. A comer!