Marmelada de ruibarbo - Receita

Nun artigo anterior puxen a foto da nosa planta de ruibarbo e un exemplo da marmelada que fixen.

Nesta ocasión fixen a marmelada cunha variación na receita

Ingredientes

poño as cantidades/proporcións tal como as vin por internet, pero eu botei todo a ollo, sobre todo o azucre (moito menos do indicado) pois gústame o matiz ácido que ten con menos azucre.

• 1 kg. de talos de ruibarbo (non as follas!!, son tóxicas)
• 500/800gr. de azucre (ao gusto)
• zume dun limón (e/ou laranxa)
• 500 ml. de auga
• framboesas (amorodos, arandos, ...)
• Optativo: coñac ou licor (eu non lle botei)

Preparación

lavamos ben os talos do ruibarbo, desbotando as follas, e quitámoslle as fibras (como coas acelgas).

Collemos unha ola onde botamos os talos de ruibarbo cortados en dados pequenos e engadímoslle a auga, as framboesas (ou outras froitas), o zume de limón (ou laranxa) e o azucre ao gusto.

ingredientes macerando

remexemos un pouco e deixamos macerar a durante unhas 6 horas.

Levamos a pota ao lume ata que comeza a ferver, baixamos a lume suave e entón hai que ter ansia de ir remexendo con frecuencia para que non se pegue. Cociñar ata que estén ben cocidos e desfeitos os ingredientes e teña o punto de espesor desexado a marmelada.

Retiramos do lume e, de forma optativa, pasamos a marmelada por un chino, para desfacer grumos e retirar posibles restos.

Deixar enfriar uns minutos e meter no frigorífico

marmelada xa lista para consumir, as framboesas déronlle unha cor moi bonita (e gusto).

Bo proveito!! 😛