Semifrío de amorodo

Sobremesa moi saborosa e refrescante.

Dificultade: baixa

Contido de enerxía: alto

Azucre e graxa: ¿qué pode fallar? :D

Ingredientes

• 300 gr. de tona (nata)
• 100 gr. de queixo fresco (tipo filadelfia)
• 200 gr. de marmelada de amorodos (caseira)
• 50 gr. de azucre (ad libidum)
• ornamento con cereixas

Preparación

Montas a tona co queixo, todo xunto, e cando está a medio montar engádeslle a cantidade de azucre que desexes.

Cando xa está montado, engádeslle ao final a marmelada e mestúralo ben.

Repártelo nas copas e adórnalas ao teu gusto. Un amorodo sería o propio, pero tamén unha cereixa (na foto), unha poliña de menta, unhas farangullas de chocolate, ...

Meter no conxelador 10 minutos antes de servir, non precisa máis.