Mexillóns á sidra

Mexillóns á sidra con patacas

Ver o vídeo do programa Estache bo

Ingredientes

• 2 quilos de mexillóns
• 1 vaso de sidra
• 3 patacas
• 1 cebola grande, 1 pemento vermello, 2 dentes de allo
• 1 cullerada de pemento chouriceiro, 1 cullerada de pemento doce
• 1/2 cunca de tomate frito, sal, pementa e aove (aceite de oliva virxe extra).

Para o rebozado dos mexillóns:

• 1 cunca de fariña
• 2 ovos, sal, pementa, perexil fresco
• 1 culleriña de curry.

Elaboración

Abrimos os mexillóns cun vaso de sidra, reservamos os viandas e o caldo escoado resultante.

Nunha tixola friximos as patacas e reservámolas nunha tarteira para o forno.

Rustrimos a cebola, o pemento o allo e incorporamos o pemento chouriceiro, o pemento doce e o tomate frito.

Ligamos a salsa co caldo, pasamos todo polo pasador de puré e incorporamos á tarteira.

Por outra banda, rebozamos os mexillóns e xuntámolos ca pataca.

Enfornamos ata que levante o fervor e listo para comer!